Սիրիական պետական զորքերի կանանց հատուկ գումարտակում գեղեցիկ սեռի մի քանի հարյուր ներկայացուցիչ է ծառայում։ 2013թ.-ից արևելյան գեղեցկուհիները հսկում են խոշոր քաղաքներն ու ապահովում հսկիչ անցակետերի անվտանգությունը։
Դամասկոսում կանանց ակադեմիայի կուրսանտները տղամարդկանց հավասար մարտական պատրաստվածության պարապմունքներ են անցնում, սովորում են նռնակներ նետել և կրակել հրացաններից։
Սիրիայի զինված ուժերում կարող են ծառայել միայն ամենահամարձակ և ներկա ռեժիմին ամենահավատարիմ քաղաքացիները։
Սիրիական բանակի կանանց հատուկ գումարտակն աշխարհի ամենաերիտասարդ գումարտակներից է։ Սիրիայի նախագահ Բաշար Ասադը թույլ է տվել կին կամավորներին միանալ բանակին միայն 2013թ.-ին` փորձելով պահպանել երկրում զինված ուժերի քանակը։
2011 թվականի մարտից Սիրիայում զինված հակամարտություն է ընթանում, որի հետևանքով, ըստ ՄԱԿ-ի տվյալների, ավելի քան 250 հազար մարդ է զոհվել։ Կառավարական զորքերը դիմակայում են տարբեր զինված կազմավորումներին պատկանող գրոհայինների ջոկատներին։ Առավել ակտիվ են «Իսլամական պետություն» և «Ջեբհաթ ան Նուսրա» ծայրահեղական խմբավորումները։
Նախագահ Բաշար Ասադի խնդրանքով Ռուսաստանը սեպտեմբերի 30-ից թիրախային ավիահարվածներ է հասցնում «Իսլամական պետության» օբյեկտներին։
