ԵՐԵՎԱՆ, 22 դեկտեմբերի– Sputnik. Հրե Կապիկի տարում արդիական են կարմիրը և կրակի գույները, մասնագետները խորհուրդ են տալիս տոնածառը զարդարել տաք և վառ գույներով։ Նորաձև են նաև կապույտի տարբեր երանգները։ Խորհրդային տարիներին շատ ընդունված էր տոնածառի գագաթը «աստղով» զարդարելը։ Արդյոք արդիակա՞ն է այն այսօր։
«Այդ զարդարանքը մի քիչ հնաոճ է։ Այսօրվա դրությամբ ընդունված է, որ տոնածառի գագաթը զարդարի որևէ դեկոր, օրինակ` մեծ ծաղիկ կամ Ձմեռ պապի գլխարկը»,– խորհուրդ է տալիս ֆլորիստ–դիզայներ Մուշեղ Պողոսյանը։ Նրա խոսքով` այս տարի ամենից շատ գնահատվում են ստեղծագործ և յուրօրինակ մոտեցումները։ Տոնածառը պետք է զարդարել հետևյալ կերպ. տոնածառի մեծ խաղալիք գնդերը պետք է գտնվեն եղևնու ստորին մասում, իսկ փոքրերը` վերևում։
Ինչպես զարդարել տոնածառը Հրե Կապիկի տարում
19:18 22.12.2015 (Թարմացված է: 20:03 22.12.2015)
© Sputnik / Անի Լիպարիտյան
Բաժանորդագրվել
Հատուկ Sputnik Արմենիա պորտալի համար ֆլորիստ–դիզայներ Մուշեղ Պողոսյանը զարդարեց մեծ տոնածառը:
