Մայրաքաղաքի բնակիչների ու հյուրերի ներկայությամբ Հանրապետության հրապարակում վառվեցին հանրապետության գլխավոր տոնածառի լույսերը։ Հանդիսավոր արարողությանը ներկա էր քաղաքապետ Տարոն Մարգարյանն իր որդիների հետ։ Քաղաքապետը շնորհավորեց մայրաքաղաքի բնակիչներին գալիք Ամանորի կապակցությամբ և սեղմեց խորհրդանշական կարմիր կոճակը։ Բարձր երաժշտությունը չէր խանգարում լսել հրապարակում հավաքված երեխաների ուրախ բացականչությունները, երբ կանաչ գեղեցկուհու բոլոր լույսերը միաժամանակ վառվեցին։ Այս տարի քաղաքի կենտրոնը զարդարում է բնական ճյուղերից հավաքած 32 մետր բարձրության տոնածառը։
Հրապարակի հրավառությունն ու Ամանորի լուսավորությունը լրացրեցին տոնական տրամադրությունը։ Երևանցիները և մայրաքաղաքի հյուրերը իրենց վրա զգացին Երևանի դեկտեմբերյան սառնամանիքը, սակայն ժամանակին եկած դերասանները կարողացան աշխուժացնել հանդիսատեսին։
Հայկական էստրադայի աստղերի մասնակցությամբ համերգը բարձրացրեց բոլոր հավաքվածների տրամադրությունը և զվարճացրեց Հայաստանի գյուղերից ու մերձավոր քաղաքներից ժամանած մարդկանց։
