ԵՐԵՎԱՆ, 21 դեկտեմբերի – Sputnik. Չեչնիայի ղեկավար Ռամզան Կադիրովը «Մեդիալոգիա» ընկերության վարկածով 2015 թվականի լավագույն ռուս բլոգեր է ճանաչվել, հայտնում է «Գրոզնի–Ինֆորմ» գործակալությունը` հղում անելով կառավարության և երկրի ղեկավարի մամուլի ծառայությանը։
Ամենաշատը դիտվել են այն նյութերը, որտեղ ՉՀ ղեկավարը բողոքում է Ղուրանից մեջբերումներով գրքի նյութերը ծայրահեղական ճանաչելու դեմ, ինչպես նաև ՆԳՏԲ Նաժուդա Գուչիգովի և Լուիզա Գոյլաբիևայի հարսանիքի կապակցությամբ արված շնորհավորանքը։
Վարկանիշի երկրորդ տեղում է Ալեքսեյ Նավալնին, երրորդը փոխվարչապետ Դմիտրի Ռոգոզինն է։
Առաջին տասնյակում են նաև ՌԴ նախագահի երեխաների իրավունքների հարցով լիազոր Պավել Աստախովը, Պետդումայի միջազգային կոմիտեի ղեկավար Ալեքսեյ Պուշկովը, ՌԴ ԱԳՆ պաշտոնական ներկայացուցիչ Մարիա Զախարովան, ՌԴ ՔԿ պաշտոնական ներկայացուցիչ Վլադիմիր Մարկինը, ՅՈՒԿՈՍ–ի նախկին ղեկավար Միխայիլ Խոդորկովսկին, հեռուսատահաղորդավարուհի Քսենիա Սոբչակը և վարչապետ Դմիտրի Մեդվեդևը։
Վարկանիշը կազմվել է «Մեդիալոգիա» համակարգի ԶԼՄ–ների բազայի հիման վրա, որը ներառում է ավելի քան 29 600 աղբյուր` հեռուստատեսություն, ռադիո, թերթեր, ամսագրեր, լրատվական գործակալություններ, համացանց։
Կադիրովը 2015 թվականի լավագույն բլոգեր է ճանաչվել
© Sputnik / Александр Вильф
/ Բաժանորդագրվել
Վարկանիշը կազմողների տվյալներով` Ռամզան Կադիրովին բլոգերում և սոցցանցերում մեջբերել են մյուսներից ավելի հաճախ
