ԵՐԵՎԱՆ, 20 դեկտեմբերի- Sputnik. Դատարանը որոշել է Օդեսայի նահանգապետ Միխեիլ Սաշահակվիլուն տուգանել 28 դոլարով, հայտնում է ՌԻԱ Նովոստին՝ հղում անելով «Դումսկայա» լրատվական պորտալին:
2014թ.-ի դեկտեմբերին Օդեսայի մարզի բնակիչը դիմել էր մարզպետարան՝ խնդրելով հանդիպում կազմակերպել շրջանի ղեկավարի հետ, որի պաշտոնը տվյալ պահին զբաղեցնում էր Իգոր Պալիցան: Սակայն տղամարդը «տեղակալի ստորագրությամբ գրավոր պատասխան» է ստացել, գրում է կայքը:
Քաղաքացին համարել է, որ իր իրավունքները ոտնահարվել են և հայց է ներկայացրել շրջանային վարչական դատարան: 2015թ.-ի հունիսի 26-ին դատավոր Օքսանա Վովչենկոն պարտավորեցրել է նահանգապետին անձնական ընդունելություն կազմակերպել քաղաքացու համար: Շրջանի ադմինիստրարցիայի ներկայացուցիչները բողոքարկման գանգատ են ներկայացրել և պաշտպանել նահանգապետին՝ նշելով, որ նա քաղաքացիների համար անձնական ընդունելություն կազմակերպելու վրա ժամանակ չծախսելու իրավունք ունի: Նահանգապետն այդպես էլ չի ներկայացրել դատարանով կարգադրված հանդիպմանը, դատական կատարածուն Միխայիլ Սահակաշվիլու նկատմամբ տուգանք է սահմանել:
Նշվում է, որ դատարանի որոշումն անտեսելու դեպքում նահանգապետը հակադրված կլինի կրկնակի տուգանք վճարել: Բացի այդ, իրավապահ մարմիններին ծանուցում կուղարկվի «պաշտոնատար անձի կողմից դատարանի որոշումը չկատարելու» հոդվածով քրեական պատասխանատվության ենթարկելու մասին: Այդ դեպքում Սահակաշվիլուն կարող է մինչև հինգ տարվա ազատազրկում սպառնալ:
