ԵՐԵՎԱՆ, 20 դեկտեմբերի- Sputnik. Եգիպտացի ուսանող Ամր Նոենը երեք տարվա ազատազրկման է դատապարտվել Facebook սոցիալական ցանցի իր էջում երկրի նախագահ Աբդել Ֆաթահ աս Սիսիի «խմբագրված» լուսանկարը հրապարակելու համար: Նկարում նախագահը պատկերված է Միկի Մաուսի ականջներով, հաղորդում է Daily Mail-ը:
Թերթի տվյալով՝ Նոենի բանակային ծառայության ավարտին ընդամենը հինգ օր էր մնացել, երբ նրան մեղադրանք ներկայացրին, որ Եգիպտոսի զինված ուժերի սպային ոչ սազական նկարներ է հրապարակել համացանցում:
Սակայն դա Նոեին ներկայացված մեղադրանքներից միայն մեկն էր: Նա նաև մի քանի մեկնաբանություն էր գրել համացանցում, ինչը բնութագրվել է որպես «պետական գործիչների հանդեպ դրսևորված անարգանք»:
Ներկա պահին Նոենը «Բորգ Էլ Արաբ» բանտում է, որտեղ գտնվում է նաև 2013թ.-ին իշխանությունից զրկված նախկին նախագահ Մուհամմեդ Մուրսին:
