ԵՐԵՎԱՆ, 18 դեկտեմբերի- Sputnik. 2015թ.-ի մարտին աշխարհում փախստականների ընդհանուր թիվը կարող է գերազանցել 60 միլիոնը։ Այս մասին նշված է ՄԱԿ-ի փախստականների հարցերով գերագույն հանձնակատարի գրասենյակի զեկույցում։
2015թ.-ի առաջին կիսամյակն ամփոփող զեկույցում նշվում է, որ վեց ամսվա ընթացքում ողջ աշխարհում փախստականների թիվը հասել է 20,2 միլիոնի, ինչը մեկ միլիոնով շատ է անցած տարվա ցուցանիշից, երբ վերաբնակեցված անձանց թիվը 34 միլիոն էր կազմել։
«Հաշվի առնելով այն, որ փաստաթուղթն անդրադառնում է միայն ներքին վերաբնակեցված անձանց, որոնք գտնվում են գերագույն հանձնակատարի գրասենյակի պաշտպանության ներքո, 2015թ.-ին առաջին անգամ բռնի տեղափոխությունները ողջ աշխարհում կարող են գերազանցել 60 միլիոնը. այսօր աշխարհում յուրաքանչյուր122-րդ մարդը ստիպված է լքել իր տունը»,- նշվում է փաստաթղթում։
Աշխարհում փախստակաների թվի աճի վրա ազդող հիմնական պատճառներն են հակամարտությունները, մասնավորապես` Սիրիայում շարունակվող ռազմական գործողությունները։
