ԵՐԵՎԱՆ, 17 դեկտեմբերի —Sputnik. Կանադական լեռների օդով լցված անոթները մեծ պահանջարկ են վայելում Չինաստանում, գրում է Telegraph-ը։
Ավելի վաղ կանադական Vitality Air ընկերությունը որոշել էր կատակել ու օդ վաճառել անոթներով։
«Առաջին խմբաքանակով վաճառքի էր հանվել 500 անոթ, որոնք վաճառվել էին չորս օրում»,- ասել է ընկերության հիմնադիր Մոիսեյ Լեմը։
Այսօր օդով լցված անոթները վաճառվում են 14-20 դոլարով։ Չինաստանի մեծ քաղաքներում այս «արտադրանքը» մեծ պահանջարկ է վայելում օդի բարձր աղտոտվածության պատճառով։
«Մենք արդեն նոր խմբաքանակ ենք ուղարկել`մաքուր օդով լցված 4000 անոթ, բայց մեծ մասն արդեն նախապես վաճառվել է»,- նշել է Լեմը։
