ԵՐԵՎԱՆ, 16 դեկտեմբերի — Sputnik. Հայաստանի պաշտպանության նախարար Սեյրան Օհանյանը Հունաստանի ազգային պաշտպանության նախարար Պանայոտիս Կամենոսի հետ համատեղ ճեպազրույցի ընթացքում մեղադրել է «Իսլամական պետություն» ահաբեկչական խմբավորմանն աջակցելու համար:
«Հարևանների հետ խնդիրները բոլորիս են մտահոգում։ Այսօր միջազգային հանրության ուշադրությունը սևեռված է մեր տարածաշրջանի վրա, իսկ մեր տարածաշրջանում կան պետություններ՝ ի դեմս Թուրքիայի, որոնք աջակցում են «Իսլամական պետությանը», — ասել է Օհանյանը:
Հայաստանի և Վրաստանի պաշտպանական գերատեսչությունների ղեկավարները քննարկել են նաև ռազմատեխնիկական և ռազմական համագործակցությանը վերաբերող հարցեր։
«Ես և Հունաստանի ազգային պաշտպանության նախարարն ամեն ինչ կներդնենք, որպեսզի մեր համագործակցությունը դինամիկ զարգացում ապրի։ Նաև պայմանավորվեցինք արագացնել համատեղ միջոցառումների իրականացման տեմպերը», — նշել է պաշտպանության նախարարը։
«Մեր երկու ժողովուրդների պատմությունն արյունով է գրվել, ինչի հետևանքով մենք զոհեր ենք ունեցել: Թուրքական ռազմական ուժերը շարունակում են խախտել մեր օդային, ջրային, տարածքը: Կիպրոսը շարունակում է գրավված մնալ Թուրքիայի օկուպացնող ուժերի կողմից», — նշել է Կամենոսը։
