ԵՐԵՎԱՆ, 16 դեկտեմբերի- Sputnik. Բուոենս Այրեսի «Ռասինգ» ֆուտբոլային ակումբը հրաժարվել է պայմանագիր ստորագրել Turkish Airlines-ի հետ, քանի որ Թուրքիան հրաժարվում է ճանաչել Հայոց ցեղասպանությունը, գրում է apertura.com-ը։
Արգենտինայի հայ համայնքը երախտագիտություն է հայտնել ակումբի ղեկավարությանը։
«Ֆուտբոլիստների մարզահագուստն ու ակումբի գույները պետք է անբիծ լինեն։ Դրանք ցուցադրում են ակումբի դեմքը։ Ոչ մի երկրպագու չի ցանկանում, որ իր սիրած թիմը հովանավորվի մի երկրի կողմից, որը խախտում է մարդու իրավունքները»,- ասել է Հարավային Ամերիկայի Հայ ազգային կոնգրեսի տնօրեն Ալֆոնսո Տաբակյանը։
Նրա խոսքով` ավիաընկերությունը վաղուց թուրքական դիվանագիտության հիմնական զենքն է դարձել։
