ԵՐԵՎԱՆ, 16 դեկտեմբերի– Sputnik. Հայաստանի նախագահ Սերժ Սարգսյանի հրամանագրով` Արմեն Ամիրյանը նշանակվել է Հայաստանի Հանրային հեռուստառադիոընկերության խորհրդի անդամ, հաղորդում է երկրի ղեկավարի մամուլի ծառայությունը։
«Ղեկավարվելով Հայաuտանի Հանրապետության Սահմանադրության 55-րդ հոդվածի 5-րդ կետով, հիմք ընդունելով «Հեռուuտատեuության և ռադիոյի մաuին» Հայաuտանի Հանրապետության oրենքի 27-րդ հոդվածի 1-ին, 2-րդ և 29-րդ հոդվածի 6-րդ մասերը և հաշվի առնելով Հայաuտանի Հանրապետության նախագահի 2015 թվականի նոյեմբերի 26-ի կարգադրությամբ uտեղծված ժամանակավոր հանձնաժողովի որոշումը` որոշում եմ Արմեն Ամիրյանին նշանակել Հանրային հեռուստառադիոընկերության խորհրդի անդամ` վեց տարի ժամկետով»,- ասված է հրամանագրում:
Հիշեցնենք, որ Հայաստանի հանրային ռադիոյի գործադիր տնօրեն Արմեն Ամիրյանը օրեր առաջ աշխատանքից ազատվելու դիմում էր ներկայացրել և պատճառները շարադրել ֆեյսբուքի իր էջում։
