Այս շաբաթ Հայաստանում տեղումներ չեն սպասվում, ճանապարհները բաց են

ԵՐԵՎԱՆ, 16 դեկտեմբերի- Sputnik. Հայաստանում դեկտեմբերի 16-20-ը սպասվում է առանց տեղումների եղանակ, հայտնում է ՀՀ տարածքային կառավարման և արտակարգ իրավիճակների նախարարությունը։

Քամին կլինի հյուսիս-արևմտյան‵ 2-7 մ/վրկ արագությամբ:

Օդի ջերմաստիճանն էապես չի փոխվի:

Երևանում այսօր կլինի 2-4 աստիճան տաքություն, գիշերը` 3-5 աստիճան ցուրտ։

Դեկտեմբերի 16-ի ժամը 10.00-ի դրությամբ ՀՀ տարածքում ավտոճանապարհները հիմնականում անցանելի են:

Դժվարանցանելի է Սոթք-Քարվաճառ ավտոճանապարհը: Վարդենյաց լեռնանցքում տեղ-տեղ առկա է մերկասառույց:

Անվտանգ երթևեկությունն ապահովելու նպատակով ճանապարհաշինարարներն ավտոճանապարհներին կատարում են աղով և ավազով մշակման աշխատանքներ:

Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար անվաշղթաների կիրառման դեպքում: