Մանհեթենի կենտրոնում` Սուրբ ծննդյան տոնածառի մոտ, տեղի են ունեցել ցույցեր` կապված 2014թ.–ի հոկտեմբերի 20–ին ոստիկանի կողմից սևամորթ Լակուան Մակդոնալդսի սպանության հետ։ Ոստիկանությունը ձերբակալել է բողոքող մի քանի ցուցարարի։
ԱՄՆ–ի տարբեր քաղաքներում բողոքի զանգվածային ալիք է բարձրացրել դեռահասի սպանության տեսանյութի հրապարակումը։ Այդ տեսանյութի հրապարակումից հետո Չիկագոյի ոստիկանական վարչության ղեկավարն ազատվել է աշխատանքից։
ԱՄՆ արդարադատության նախարարությունը 2015թ.–ի դեկտեմբերին հայտարարել է ոստիկանական վարչության գործունեության հետաքննություն սկսելու մասին։
Ոստիկան Ջեյսոն Վան Դայքին, ով սպանել է 16 տարեկան Լակուան Մակդոնալդին, մեղադրանք է առաջադրվել կանխամտածված սպանության համար` ծանրացուցիչ հանգամանքներով։
Վերջին շրջանում ԱՄՆ–ում շատացել են ոստիկանության կողմից սևամորթ ամերիկացիների սպանության դեպքերը։ Ամերիկյան հասարակությանը հուզել է աֆրոամերիկացիներ Էրիկ Գարների և Մայքլ Բրաունի մահը, որոնք Միսուրի նահանգում սպանվել են ոստիկանի կողմից։
Նյու Յորքում ոստիկանները ցուցարարների են ձերբակալել
© Ruptly
Բաժանորդագրվել
Ոստիկանները ձերբակալել են 2014թ.–ի հոկտեմբերին Մանհեթենում Ռոքֆելեր կենտրոնի մոտ սևամորթ աֆրոամերիկացի Լակուան Մակդոնալդի սպանության հետ կապված բողոքի ցույցի մասնակիցներին
