ԵՐԵՎԱՆ, 15 դեկտեմբերի– Sputnik. «Էժան» հիերոգլիֆը մրցույթի արդյունքում դարձել է անցնող 2015թ.–ի խորհրդանիշ, մրցույթն անցկացրել է Ճապոնիայի հիերոգլիֆիական գրագիտությունը ստուգող ասոցիացիան։
«Էժան» հիերոգլիֆը հավաքել է առավել մեծ քանակությամբ բացիկներ, որոնք ցանկացած մարդ կարող է ուղարկել ասոցիացիայի հասցեով։ Քվեարկության մասնակիցների մեծամասնության ընտրությունը եղել է «էժան» հիերոգլիֆը` կապված ազգային արժույթի փոխարժեքի անկման, նավթի գների նվազման, յուանի արժեզրկման ուժեղացող միտումների հետ, հաղորդում է ՌԻԱ Նովոստին։
Տարվա խորհրդանիշ հիերոգլիֆի նշանակությունը հույժ գաղտնի է պահվում ընդհուպ մինչև հայտարարելու պահը։
«Էժան» հիերոգլիֆը հանդիսավոր կերպով գրել է Կիոտոյում ամենահայտնի բուդդիստական տաճարներից մեկի` Կիյոմիձուի հոգևորականը 1,5 X 1,3 չափ ունեցող ճապոնական «վասի» թղթի վրա։ Հիերոգլիֆը գրելու համար օգտագործվել է Նարա շրջանից հատուկ բերված տուշ և 4,5 սմ տրամագծով վրձին, որը պատրաստվել է Հիրոսիմա շրջանում բացառապես սպիտակ ձիու պոչի մազից։
