Սաուդյան Արաբիայի պաշտպանության նախարարը` ԴԱԻՇ–ի դեմ պայքարի մեթոդների մասին

Սաուդյան Արաբիայի կողմից ձևավորված 34 երկրների կոալիցիան մտադիր է պայքարել իսլամական երկրներում ահաբեկչական խմբավորումների դեմ, հայտարարել է երկրի պաշտպանության նախարար Մուհամադ իբն Սալման Ալ Սաուդը։ Նա նշել է, որ ընդհանուր նպատակին հասնելու համար երկրները պետք է համախմբված աշխատեն։
 
«Այսօր յուրաքանչյուր իսլամական երկիր ինքնուրույն է պայքարում ահաբեկչության դեմ` առանց միմյանց հետ համագործակցելու, իսկ ահաբեկչական կազմակերպությունները միասին են գործում։ Ուստի ջանքերի համակարգումը շատ կարևոր է»,– հայտարարել է նախարարը։ Միավորված թիմային օպերատիվ կենտրոնը կգտնվի Սաուդյան Արաբիայի մայրաքաղաքում` Էր Ռիադում։ Կոալիցիան ստեղծվում է «ահաբեկչությանը հակազդելու նպատակով, որը սպառնալիք է դարձել իսլամական ազգի շահերի համար», ինչպես նաև «ելնելով ժողովուրդների` ինքնապաշտպանության իրավունքից», հաղորդում է սաուդյան SPA գործակալությունը։

Ավելի վաղ հայտնի էր դարձել, որ Սաուդյան Արաբիան ձևավորել է 34 երկրներից կազմված ռազմական կոալիցիա` ահաբեկչության դեմ պայքարելու համար։