ԵՐԵՎԱՆ, 14 դեկտեմբերի — Sputnik. Վորոնեժի շրջանի հոգենյարդաբանական ինտերնատում բռնկված հրդեհի հետևանքով տուժածներից 5-ը ծանր վիճակում են, հայտնում է ՌԴ առողջապահության նախարարության մամուլի ծառայությունը։
Հրդեհը Վորոնեժի շրջանի Ալֆյորովկա գյուղի հոգենյարդաբանական ինտերնատում բռնկվել է կիրակի գիշերը։ Զոհվել է 23 մարդ, տուժել` 24-ը։ Հարուցվել է քրեական գործ։
«2015 թվականի դեկտեմբերի 14-ի դրությամբ, շրջանային բուժհաստատություններ է տեղափոխվել 23 մարդ, նրանցից 5-ը ծանր վիճակում են, 6-ի վիճակը գնահատվում է միջին ծանրության, իսկ 12-ինը` բավարար», — հայտնել է մամուլի ծառայությունը` նշելով, որ տուժածները հիմնականում ստացել են առաջին և երկրորդ կարգի այրվածքներ, ինչպես նաև թունավորվել են ածխագազից և այրված նյութերից։
