ԵՐԵՎԱՆ, 14 դեկտեմբերի- Sputnik. Աշխատանքային խումբը նախնական զեկույց է պատրաստել Սինայի թերակղզում ռուսական A321-ի ավիավթարի հետաքննության մասին, հաղորդում է ՌԻԱ Նովոստին։
Ռուսական և խորհրդային ավիացիայի պատմության մեջ խոշորագույն ավիավթարը տեղի է ունեցել հոկտեմբերի 31-ին։ «Կոգալիմավիա» ավիաընկերության` Շարմ էլ Շեյխ-Սանկտ Պետերբուրգ 9268 թռիչքն իրականացնող Airbus-321 օդանավը կործանվել է Սինայի թերակղզու տարածքում: Ինքնաթիռում եղել է 217 ուղևոր և անձնակազմի 7 անդամ: Բոլորը զոհվել են։
Ավելի վաղ եգիպտական իշխանությունը հայտարարել էր, որ եթե հետաքննությունը ծանրակշիռ տվյալներ ներկայացնի, որ դա ահաբեկչական գործողություն է եղել, ապա քրեական գործ կհարուցվի, հետաքննությամբ կզբաղվի գլխավոր դատախազությունը, իսկ տեխնիկական հանձնաժողովը կդադարեցնի իր աշխատանքը։
