Հայաստանում կան դժվարանցանելի ճանապարհներ, տեղումներ չեն սպասվում

ԵՐԵՎԱՆ, 14 դեկտեմբերի– Sputnik. ՀՀ տարածքում դեկտեմբերի 14-ի ժամը 09.00-ի դրությամբ ավտոճանապարհները հիմնականում անցանելի են, հայտնում է  Տարածքային կառավարման և արտակարգ իրավիճակների նախարարությունը։

Դժվարանցանելի է Սոթք-Քարվաճառ ավտոճանապարհը:

Շիրակի մարզի «Ղոչաղբյուր» կոչվող հատվածում (Ցողամարգ գյուղից 1 կմ դեպի Աշոցք գյուղ), Սյունիքի մարզի Գորիս-Սիսիան («Զանգեր» կոչվող հատված, 4-րդ կմ), Կապան-Գորիս (31 կմ) ավտոճանապարհներին տեղ-տեղ առկա է մերկասառույց:

Անվտանգ երթևեկությունն ապահովելու նպատակով ճանապարհաշինարարներն ավտոճանապարհներին կատարում են աղով և ավազով մշակման աշխատանքներ:

Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար անվաշղթաների կիրառման դեպքում: 

ՀՀ տարածքում դեկտեմբերի 14-18-ին սպասվում է առավելապես առանց տեղումների եղանակ:

Քամին կլինի հյուսիս-արևմտյան‵ 7-12 մ/վրկ արագությամբ:

Օդի ջերմաստիճանը դեկտեմբերի 17-ին էապես չի փոխվի, իսկ 18-ի գիշերը կնվազի 2-4 աստիճանով:

Երևանում դեկտեմբերի 14-18-ին սպասվում է առանց տեղումների եղանակ։

Երևանում այսօր ցերեկը 1-3 տաքություն է, գիշերը` 1-3  ցուրտ։