ԵՐԵՎԱՆ, 13 դեկտեմբերի — Sputnik Երևանի Կոմիտասի պողոտայի թիվ 22 շենքի 4-րդ հարկում բռնկված հրդեհի հետևանքով ամբողջությամբ այրվել է Վ. Վ.-ին պատկանող բնակարանը՝ գույքով (40 քմ), հաղորդում է Տարածքային կառավարման և արտակարգ իրավիճակների նախարարությունը։
Հաղորդագրության համաձայն` հրդեհի հետևանքով շենքի 5-րդ հարկի բնակիչներից մեկը ծխահարվել է. վերջինիս շտապօգնության աշխատակիցները ցուցաբերել են համապատասխան օգնություն:
ՏԿԱԻՆ դեկտեմբերի 13-ին՝ ժամը 08.36-ին, ահազանգ էր ստացվել, որ Երևանի Կոմիտասի պողոտայի թիվ 22 շենքի 4-րդ հարկում հրդեհ է բռնկվել:
Դեպքի վայր էր մեկնել երկու մարտական հաշվարկ, մեկ ավտոսանդուղք, ՃԿԱԿ օպերատիվ և ԱԻ արձագանքման խմբերը: Հրդեհը մեկուսացվել էր ժամը 08.54-ին, մարվել՝ 09.06-ին:
Երևանում հրդեհի հետևանքով բնակարան է այրվել, մեկ մարդ ծխահարվել է
13:10 13.12.2015 (Թարմացված է: 13:15 13.12.2015)
Բաժանորդագրվել
Երևանի Կոմիտասի պողոտայում հրդեհի հետևանքով բնակարանն ամբողջությամբ այրվել է, մեկ մարդ ծխահարվել է
