ԵՐԵՎԱՆ, 10 դեկտեմբերի- Sputnik. Ուրբաթ` դեկտեմբերի 11-ին ժամը 14։00-ին տեղի կունենա Մոսկվա — Երևան տեսակամուրջ` «Իսլամական պետության» գործոնը» թեմայով։
Ռուսաստանը Սիրիայի նախագահի խնդրանքով սեպտեմբերի 30-ից պայքար է մղում ում «Իսլամական պետություն» խմբավորման դեմ։ Արդեն ավելի քան մեկ տարի ԻՊ-ի դեմ է պայքարում նաև ԱՄՆ-ի գլխավորած միջազգային կոալիցիան, սակայն ավելի մեծ հաջողությունների հասնել այդ ընթացքում չի հաջողվել։ Այսօր շատ սուր է դրված ահաբեկչության դեմ պայքարում բոլոր երկրների ջանքերի համախմբման հարցը։
Փարիզի ահաբեկչություններից հետո Սիրիայում ԻՊ-ի գրոհայիններին հարվածներ է ուղղել նաև Ֆրանսիան։ Մեծ Բրիտանիան ընդունում է, որ պետք է Ռուսաստանի հետ համատեղ աշխատել Սիրիայի հարցում ինչպես միջազգային ահաբեկչության դեմ պայքարի, այնպես էլ սիրիական հարցի խաղաղ կարգավորման հարցում։ Գերմանիան որոշել է զորք ուղարկել ԻՊ-ի դեմ պայքարելու համար։ Սակայն մինչ այսօր չկա միասնական կոալիցիա, որի ստեղծման կոչ էր անում Ռուսաստանը։ Այսօր ահաբեկիչների շարքում կռվում են վարձկաններ աշխարհի 86 երկրից, ներառյալ` հետխորհրդային տարածքի երկրները։ Դա լուրջ վտանգ է այն առումով, որ ԻՊ-ի գրոհայինները կթափանցեն հարևան երկրներ և տարածաշրջաններ, օրինակ` Աֆղանստան, Կենտրոնական Ասիա, Կովկաս, Եվրոպա, որը տառապում է փախստականների անվերահսկելի հոսքից, մի խնդիր, որը ստեղծել է ԻՊ-ն։
«Մեծ Կովկասի» տարածաշրջանի համար ահաբեկչության մարտահրավերների ու սպառնալիքների, «համընդհանուր չարիքի» դեմ պայքարում տարածաշրջանային պետությունների ջանքերի համախմբման, անհրաժեշտ մեթոդների մասին կխոսեն փորձագետները։
Մոսկվայում միջոցառմանը կմասնակցեն`
— Մերձավոր Արևելքի ինստիտուտի նախագահ Եվգենի Սատանովսկին, — Մերձավոր Արևելքի և Կենտրոնական Ասիայի ուսումնասիրման կենտրոնի տնօրեն Սեմյոն Բաղդասարովը,
— Նորագույն պետությունների միջազգային ինստիտուտի տնօրեն Ալեքսեյ Մարտինովը,
— «Ռուսաստան-Կովկաս» աշխարհաքաղաքական կենտրոնի տնօրեն Նիկոլայ Բանինը,
— Կովկասի իսլամական ուսումնասիրությունների կենտրոնի տնօրեն Շոթա Ափխաիձեն,
— Քաղաքագետ Գրիգորի Տրոֆիմչուկը,
— Պրոֆեսոր Արթուր Գևորգյանը, Մոդերատոր, «Եվրասիական ընտրություն» միջազգային հասարակական շարժման նախագահ Ռոման Շկոլինը։
Երևանում`
— ՀՀ ԱԺ պատգամավոր Հայկ Բաբուխանյանը,
— Երևանի աշխարհաքաղաքական ակումբի ղեկավար Արման Բոշյանը,
— Քաղաքագետ Սերգեյ Շաքարյանցը։
Մամուլի կենտրոնի ծանուցումները ստանալու համար կարելի է բաժանորդագրվել` հայտ ուղարկելով h.sahakyan@sputniknews.com էլեկտրոնային հասցեով։
Երևանում Sputnik մուլտիմեդիոն միջազգային մամուլի կենտրոնի ղեկավարն է Հասմիկ Սահակյանը։ Հեռախոսահամարը` +374 (94) 18-33-77։
