ԵՐԵՎԱՆ, 9 դեկտեմբերի – Sputnik. Ռուսաստանի մաքսային դաշնային ծառայությունն իր հայ գործընկերներին հատուկ նշանակության 141 ծառայողական ավտոմեքենա է նվիրել` նպատակ ունենալով բարձրացնել Հայաստանի մաքսային ծառայության աշխատանքի արդյունավետությունը։
Տեխնիկայի փոխանցումն իրականացվել է Ռուսաստանի կառավարության 2015 թվականի հունիսի 24-ի կարգադրության և ԵՏՄ անդամակցության շրջանակներում տեխնիկական և ֆինանսական աջակցության տրամադրման վերաբերյալ ՌԴ և Հայաստանի կառավարությունների միջև կնքված համաձայնագրի համաձայն։
«Դաշնային մաքսային ծառայության ղեկավարի կարգադրությամբ` մենք իրականացնում ենք մեքենաների և տեխնիկայի փոխանցում Հայաստանի մաքսային ստորաբաժանումներին նյութատեխնիկական օգնության տրամադրման շրջանակներում։ Այսօր մենք շատ լուրջ ներդրում ենք կատարում` 130 մլն ռուբլի արժողությամբ 141 ավտոմեքենա ենք տրամադրում։ Սա կբարձրացնի նաև ծառայության վարկանիշը, ինչպես նաև կնպաստի աշխատանքի հարմարավետությանը և ցույց կտա, որ բարեկամական Ռուսաստանը նրանց կողքին է։ Այս ամենը կնպաստի Հայաստանի տնտեսության խթանմանը», – ասել է Ռուսաստանի ԴՄԾ ղեկավարի տեղակալ Սերգեյ Կոմլիչենկոն։
![ФТС России подарила таможенной службе Армении более 140 служебных машин специального назначения ФТС России подарила таможенной службе Армении более 140 служебных машин специального назначения - Sputnik Արմենիա](https://cdn.am.sputniknews.ru/img/135/05/1350519_0:0:1600:1065_600x0_80_0_0_e9f01e17a5de494c50be65c52b707b95.jpg)
Նրա խոսքերով` այս ամենը կնպաստի արտաքին քաղաքական գործունեության ավելի արդյունավետ իրականացմանը։
«Դեռ ապրիլին Երևանում բացվել է Դաշնային մաքսային ծառայության ներկայացուցչությունը։ Մենք աշխատում ենք ընդհանրացման ուղղությամբ, որպեսզի միավորենք մեր տեղեկատվական համակարգերը։ Բացի այդ, աշխատանք է տարվում մաքսային օրենսդրությունն ավելի ներդաշնակ դարձնելու ուղղությամբ», – ասել է Կոմլիչենկոն։
![ФТС России подарила таможенной службе Армении более 140 служебных машин специального назначения ФТС России подарила таможенной службе Армении более 140 служебных машин специального назначения - Sputnik Արմենիա](https://cdn.am.sputniknews.ru/img/135/02/1350276_0:0:1600:1065_600x0_80_0_0_a06fbda52e85a70fdf8e25bfb810665a.jpg)
Նա հույս է հայտնել, որ սա փոխգործակցության վերջին ակցիան չէ, առավել ևս, որ Հայաստանի` ԵՏՄ–ի կազմի մեջ մտնելու տարեդարձի նախաշեմին հետագա համագործակցության քայլեր են ծրագրվել»։
ԵՏՄ–ն միջազգային ինտեգրացիոն տնտեսական միություն է, որը ստեղծվել է Մաքսային միության և Միասնական տնտեսական տարածքի հիման վրա։ ԵՏՄ–ն գործում է այս տարվա հունվարի 1–ից։ Այժմ ԵՏՄ անդամն են Ռուսաստանը, Հայաստանը, Բելառուսը, Ղազախստանն ու Ղրղըզստանը։