Առաջին անգամ ստորջրյա դիրքից ծովում տեղակայված «Կալիբր» թևավոր հրթիռներ են արձակվել Սիրիայում գործող ԻՊ օբյեկտների ուղղությամբ (արաբական տարբերակով` ԴԱԻՇ, արգելված է ՌԴ–ում)։ Այդ հարվածի մասին ՌԴ նախագահ Վլադիմիր Պուտինին պատմել է պաշտպանության նախարար Սերգեյ Շոյգուն։
Հարվածները հասցվել են «Դոնի Ռոստով» սուզանավից` Միջերկրական ծովի ավազանից։ Արդյունքում Սիրիայի Ռաքի տարածքում ոչնչացվել է ԻՊ (ԴԱԻՇ) ահաբեկիչների հրամանատարային երկու կետ։
«Արդյունքում և՛ ավիացիան, և՛ ստորջրյա նավատորմը հաջողված արձակումներ են իրականացրել, բոլոր թիրախները խոցվել են։ Հերթական անգամ թևավոր «Կալիբր» հրթիռը ցուցադրեց իր արդյունավետությունը հեռավոր տարածություններում», – ասել է Շոյգուն Պուտինի հետ հանդիպման ժամանակ։
Ռուսաստանը սեպտեմբերի 30-ից նախագահ Բաշար Ասադի խնդրանքով սկսել է թիրախային հարվածներ հասցնել Սիրիայում գործող «Իսլամական պետության» (արաբական տարբերակով` ԴԱԻՇ, արգելված է ՌԴ–ում) և «Ջեբհաթ ան Նուստրայի» օբյեկտներին։ Այդ ընթացքում Օդատիեզերական ուժերը Կասպյան նավատորմի նավերի մասնակցությամբ ոչնչացրել են մի քանի հարյուր գրոհային և ահաբեկիչների ավելի քան 3 հազար օբյեկտ։
Հարվածներ ԴԱԻՇ–ին «Դոնի Ռոստով» սուզանավից. Շոյգուի զեկույցն ու հրթիռների արձակման կադրերը
16:42 09.12.2015 (Թարմացված է: 17:52 09.12.2015)
© Ruptly
Բաժանորդագրվել
