ԵՐԵՎԱՆ, 8 դեկտեմբերի- Sputnik. Էվերեստ լեռան սառցաշերտը վերջին 40 տարում հալվել է 28 տոկոսով։ Այս տվյալը ներկայացրել է Չինաստանի գիտությունների ակադեմիան։
«Սառույցի հալոցքը նպաստում է, որ լեռան մոտ գտնվող գետերում և ջրամբարներում կտրուկ ավելանա ջրի մակարդակը։ Օրինակ` տեղի լճի մակերեսը 1990-ից մինչև2013թ.-ը 100 քառակուսի կիլոմետրից դարձել է 114»,- հայտնել է գիտնական Կան Շիչյանը։
Լեռան հարավային լանջին գտնվող ամենամեծ սառցաշերտի չափսերը կրճատվել են 26 տոկոսով։ Սառցե ծածկույթի կրճատման ընդհանուր թիվը 28 տոկոս է կազմում։
