ԵՐԵՎԱՆ, 8 դեկտեմբերի-Sputnik. Աշխարհի առաջին ռակետ Սերենա Ուիլյամսը, Կանանց թենիսի ասոցիացիայի վարկածով, չորրորդ անգամ տարվա լավագույն թենիսիստուհի է դարձել։ Այս մասին նշված է WTA-ի պաշտոնական կայքում։
Ուիլյամս կրտսերը ներկա խաղաշրջանում նվաճել է հինգ տիտղոս` հաղթելով Մեծ սաղավարտի երեք մրցաշարում` Ուիմբլդոնում, Ավստրալիայի բաց առաջնությունում և «Ռոլան Գարոսում»։
Ամերիկուհին հաղթել է իսպանուհի Գարբինիե Մուգուրիսին, իտալուհի Ֆլավիա Պենետուին և լեհ Ագնեշկա Ռադվանսկայային։ Պարգևը շնորհվում է երկրպագուների և ԶԼՄ-ների քվեարկության արդյունքում։ Ուիլյամսը ստացել է երկրպագուների ձայների 79 տոկոսը, իսկ իսպանուհի Մուգուրիսը` միայն 12 տոկոսը։
Ուիլյամսը միայն 2015թ.-ին 10,5 միլիոն դոլար է վաստակել։ Նա իր կարիերայի ընթացքում յոթերորդ անգամ է WTA մրցանակակիր դառնում։
