ԵՐԵՎԱՆ, 8 դեկտեմբերի —Sputnik. Մոտ երեք ժամ առաջ «Պրոկրեդիտ» բանկի Կոմիտասում գտնվող մասնաճյուղի վրա զինված հարձակում է եղել։
ՀՀ ոստիկանության մամուլի ծառայության ղեկավար Արմեն Մալխասյանի խոսքով` անհայտ անձը ատրճանակով մուտք է գործել բանկ և սպառնալիքների ներքո աշխատակցուհուց գումար պահանջել։
Նախնական տվյալով՝ նա հափշտակել է 1 միլիոն 300 հազար դրամ և 12 հազար դոլար։ Հանցագործը դեռ չի հայտնաբերվել։
