ԵՐԵՎԱՆ, 8 դեկտեմբերի- Sputnik. Քենիայի հարավ-արևմուտքում գտնվող Մասայի Մարա արգելոցում ութ առյուծի թունավորել են կարբոֆուրան-պեստիցիդով։ Խոսքն այն կենդանիների մասին է, որոնց կյանքը մի քանի տարի շարունակ լուսաբանում էր է BBC հեռուստաալիքը Big Cat Diary վավերագրական ֆիլմում։ Ֆիլմի հերոսը` 17-ամյա առյուծը, սատկել է դեկտեմբերի 7-ին։
Նշվում է, որ առյուծների մոտ թունավորման նշաններ են ի հայտ եկել երկուշաբթի երեկոյան. նրանք սկսել են դժվարությամբ տեղաշարժվել ու շնչել։
Թունավորման փաստը հաստատել է KWS-ի անասնաբույժը։
Փրկարարների խումբը որոնում է մյուս երեք առյուծներին, մյուսները ծանր վիճակում են։
KWS-ի ներկայացուցիչները հաստատել են, որ երեք կասկածյալի են ձերբակալել։ Եթե նրանց մեղավոր ճանաչեն, ապա նրանց կսպառնա երկու հազար դոլարից ավել տուգանք կամ ցմահ բանտարկություն` ոչնչացող տեսակների կյանքին սպառնալու համար։ Կասկածյալների անձը և նրանց գործողությունների դրդապատճառներն առայժմ անհայտ են։
