ՌԴ նախագահի աշխատակազմի ղեկավար Սերգեյ Իվանովը կենդանիների պաշտպան Պամելա Անդերսոնին է հանձնել ընձառյուծներից մեկի պահապանի հավաստագիրն ու կենդանու լուսանկարը։ Դերասանուհին էգ ընձառյուծին իսկույն անուն է տվել` Պամելա
Ռուսաստանի նախագահի աշխատակազմի ղեկավար և Կենդանիների պաշտպանության միջազգային հիմնադրամի խորհրդակցական խորհրդի անդամ Սերգեյ Իվանովը Պամելա Անդերսոնի հետ հանդիպման ժամանակ քննարկել է վայրի բնության և կենդանիների պաշտպանության խնդիրները։
Դերասանուհին դարձել է չորս տարեկան ընձառյուծի պահապանը։
Ընձառյուծն ապրում է «Ընձառյուծի երկիր» ազգային պարկում, որ գտնվում է Չինաստանի սահմանի մոտ։ Մասնագետները նշում են, որ ի տարբերություն իր ազգակիցների, այդ էգը բավական հաճախ է ֆոտոխցիկների օբյեկտ դառնում։ Դատելով լուսանկարներից` նա բավական ակտիվ է և չի վախենում լուսանկարիչներից։
