ԵՐԵՎԱՆ, 8 դեկտեմբերի – Sputnik. Հայաստանի Ճանապարհային ոստիկանությունը տեղեկացնում է, որ Երևանում դեկտեմբերի 14-ից մի շարք փողոցներում նոր արագաչափ սարքեր են գործարկվելու։
Մասնավորապես` Երևանի Աճառյան փողոցում գործարկվելու է մեկ արագաչափ՝ Աճառյան և Ծարավ Աղբյուրի փողոցների խաչմերուկից Մյասնիկյան և Գայի պողոտաների խաչմերուկի ուղղությամբ, որտեղ երթևեկության թույլատրելի արագությունը 60 կմ/ժ է:
Ինչպես նաև Երևան քաղաքի Ռուբինյանց փողոցում կգործի մեկ արագաչափ՝ Ռուբինյանց և Սևակի փողոցների ուղղությամբ, որտեղ երթևեկության թույլատրելի արագությունը 40 կմ/ժ է:
Ճանապարհային ոստիկանությունը հորդորում է վարորդներին` պահպանել ճանապարհային երթևեկության կանոնները:
