ԵՐԵՎԱՆ, 7 դեկտեմբերի — Sputnik. ԿԸՀ-ի արտահերթ նիստում հրապարակվել է ՀՀ սահմանադրության փոփոխությունների հանրաքվեի քվեարկության նախնական արդյունքները:
Ըստ ԿԸՀ-ի կենտրոնական հանձնաժողովի ներկայացրած տվյալների, դեկտեմբերի 6-ին Հայաստանում անցկացված հանրաքվեի մասնակիցների հիմնական ցուցակներում ընդգրկված է եղել 2 547 918 քաղաքացի, տեղամասերում կազմված լրացուցիչ ցուցակներ` 67 քաղաքացի։ Ըստ գտնվելու վայրի կազմված լրացուցիչ ցուցակներում ընդգրկված է եղել 16798 քաղաքացի, հաշվառում չունեցողների լրացուցիչ ցուցակներում ընդգրկված է եղել 281 քաղաքացի, ոստիկանության ծառայողների կազմած լրացուցիչ ցուցակներում` 176, ստացիոնար բուժհաստատություններում կազմված լրացուցիչ ցուցակներում` 1542, ձերբակալված անձանց պահելու վայրերում կազմված լրացուցիչ ցուցակներում` 0 քաղաքացի։
Հանրաքվեին մասնակցելու իրավունք ունեցող քաղաքացիների ընդհանուր թիվը 2 567 047 է, քվեարկությանը մասնակցել է 1 303 466 քաղաքացի, որոնցից 189 230-ը քվեարկել են նույնականացման քարտերով։
Տեղամասային հանձնաժողովներին հատկացրած քվեաթերթիկների թիվը 2 640 000 է, մարվել է 1 330 954 քվեաթերթիկ, անվավեր է ճանաչվել 53 332 քվեաթերթիկ։
«Այո» քվեարկած քվեաթերթիկների թիվը 825 851 է, «ոչ» քվեարկած քվեաթերթիկներինը` 421 600, անճշտությունների գումարային չափը` 824։
