ԵՐԵՎԱՆ, 6 դեկտեմբերի– Sputnik. Կենտրոնական ընտրական հանձնաժողովի նախնական տվյալներով` կիրակի Հայաստանում տեղի ունեցած հանրաքվեին ընտրողների մասնակցությունը կազմել է 50,51 տոկոս։
«Ընտրատեղամասերը փակվել են ժամը 20։00–ին, մասնակցությունը կազմել է գրանցված ընտրողների 50,51 տոկոսը` 1 296 368 մարդ»,– հայտարարել է ԿԸՀ ղեկավար Տիգրան Մուկուչյանը։
Առավել մեծ մասնակցություն է գրանցվել Տավուշի մարզում` 68,3 տոկոս, ամենաքիչը` Շիրակի մարզում` 41,28 տոկոս։
Չնայած նրան, որ հանրաքվեին ընտրողների մասնակցության շեմ չկա, նրա որոշումը կարող է օրենսդրորեն ընդունվել միայն այն դեպքում, եթե ընտրություն է կատարել գրանցված ընտրողների մեկ քառորդից ոչ պակասը։ Սահմանադրությունում փոփոխությունների նախագիծը կընդունվի, եթե դրա օգտին քվեարկի ընտրողների 50 տոկոսից ավելին։
Հայաստանի ողջ տարածքում ձևավորվել է 1997 ընտրատեղամաս, որտեղ հանրաքվեի ընթացքում կարող է քվեարկել 2 միլիոն 550 հազար 323 քաղաքացի: Հանրաքվեին հետևել են տեղական և միջազգային դիտորդներ, լուրջ խախտումներ չեն արձանագրվել։
