Հայաստանի ընտրատեղամասերում սկսվել է ձայների հաշվարկը

ԵՐԵՎԱՆ, 6 դեկտեմբերի – Sputnik. Հայաստանում ընտրատեղամասերը ձեռնամուխ են եղել սահմանադրական փոփոխությունների հանրաքվեի քվեաթերթիկների հաշվարկին։ Ինչպես հաղորդում է Sputnik Արմենիայի թղթակիցը, 2/37 ընտրատեղամասում հանձնաժողովի անդամները պատրաստվել են ձայների հաշվարկին։ Քվեատուփը կիսով չափ լիքն է։ Այդ ընտրատեղամասում 1400 ընտրողներից քվեարկել է 916 մարդ։

Ընտրատեղամասում ոչ մի միջադեպ չի գրանցվել։