ԵՐԵՎԱՆ, 5 դեկտեմբերի- Sputnik. Հայտնի հարավկորեացի հեռուստահաղորդավար և գրող 63-ամյա Չոի Յուն Հին (Choi Yoon-Hee) և նրա 72-ամյա ամուսինն ինքնասպանություն են գործել: Այս մասին գրում է OpenSpace կայքը:
«Երջանկության քարոզիչը» մշտապես կոչ էր անում մարդկանց ապրել ներդաշնակության մեջ և ուրախանալ կյանքով: Գրողն իր կյանքի ընթացքում երջանկության, հույսի և ներքին հավասարակշռության մասին ավելի քան 20 գիրք է գրել:
Նա իր թողած գրության մեջ նշել է, որ շուրջ երկու տարի առաջ առողջական վիճակը վատացել է (նա թոքերի և սրտի հիվանդություններ ուներ):
Ոստիկանությունը ենթադրում է, որ գրողին օգնել է կյանքից հեռանալ նրա ամուսինը: Երբ համոզվել է, որ կինը մահացել է, ինքն էլ է ինքնասպան եղել: Նրանց մարմինները գտել են հյուրանոցի համարում:
