ԵՐԵՎԱՆ, 4 դեկտեմբերի — Sputnik. Հանրահայտ դերասան Արմեն Ջիգարխանյանի ղեկավարած Մոսկովյան դրամատիկական թատրոնը շուտով հյուրախաղերով կներկայանա հայ հանդիսատեսին։
Հայաստանի և Ռուսաստանի մշակույթի նախարարությունների աջակցությամբ դեկտեմբերի 8-ին, ժամը 19։00-ին Երևանի պատանի հանդիսատեսի թատրոնում կներկայացվի «Սրճարան. կյանքը վարդագույն լույսի ներքո» (ըստ Լ. Գոլդշթեյնի) բեմադրությունը:
Հյուրախաղերը կանցկացվեն երկու երկրի՝ 2015 թվականի համագործակցության ծրագրի շրջանակում։
