Հայաստանում եղանակը հաջորդ շաբաթվա սկզբին կտաքանա

ԵՐԵՎԱՆ, 4 դեկտեմբերի —Sputnik. Հայաստանում դեկտեմբերի 4-ին առավելապես արևելյան շրջաններում, 5-ին շրջանների մեծ մասում սպասվում է թույլ ձյուն: 6-8-ին սպասվում է առանց տեղումների եղանակ, հաղորդում է ՀՀ տարածքային կառավարման և արտակարգ իրավիճակների նախարարությունը:

Քամին կլինի հյուսիս-արևմտյան` 2-7 մ/վրկ արագությամբ:

Օդի ջերմաստիճանը 4-6-ի գիշերը կնվազի 8-10 աստիճանով, 7-8-ին գիշերը կբարձրանա 4-6, ցերեկը` 6-8 աստիճանով:

Երևանում  դեկտեմբերի 4-ին էական տեղումներ չեն սպասվում, 5-ին հնարավոր է թույլ ձյուն, 6-8-ին սպասվում է առանց տեղումների եղանակ:

Այսօր ցերեկը Երևանում սպասվում է 0- 2 աստիճան, երեկոյան` 3-5 աստիճան ցուրտ։