Ռուսաստանը չի ընդլայնի Թուրքիայից ապրանքի մատակարարման սահմանափակումները

ԵՐԵՎԱՆ, 3 դեկտեմբերի – Sputnik. ՌԴ գյուղատնտեսության նախարարությունը չի նախատեսում ընդլայնել Ռուսաստան Թուրքիայից ներկրվող ապրանքի ցուցակը, որն արգելված կլինի հունվարի 1-ից, ՌԻԱ Նովոստիին հայտնել են նախարարության մամուլի ծառայությունից։

«ՌԴ գյուղատնտեսության նախարարությունը  չի նախատեսում ընդլայնել էմբարգոյի տակ հայտնված թուրքական ապրանքի ցուցակը», – հայտնել են մամուլի ծառայությունից։

Ռուսաստանը 2016 թվականի հունվարի 1-ից արգելում է Թուրքիայից մի շարք ապրանքների ներմուծումը` այդ թվում մսեղիքի, հավի և հնդկահավի, թարմ և սառեցված լոլիկի, գլուխ սոխի, ծաղկակաղամբի և բրոկոլիի, վարունգի, թարմ և չորացրած մանդարինի ու նարնջի, խաղողի, խնձորի, տանձի, ծիրանի և այլ մրգերի։ Ռուսաստանի և Թուրքիայի հարաբերությունները ճգնաժամ են ապրում այն բանից հետո, երբ Սիրիայում Սու-24 ռմբարկուն խոցվել էր թուրքական  F-16–ի կողմից։