ԵՐԵՎԱՆ, 3 դեկտեմբերի – Sputnik. Կալիֆորնիայի Սան Բերնարդինո քաղաքում կրակ բացած կասկածյալներն ինքնաշեն ռումբեր ունեին, գրում է ՌԻԱ Նովոստին` հղում անելով CNN հեռուստաալիքին։
Հեռուստաալիքի տվյալներով` չարագործները դրանք ավտոմեքենայից դուրս են նետել հետապնդման ժամանակ։
Ոստիկանությունը դեռ չի հաստատում պայթյունների մասին տեղեկատվությունը, հեռուստատեսությամբ հեռարձակվող դեպքի վայրում արված կադրերը նույնպես հիմք չեն տալիս մտածելու, որ դրանք տեղի են ունեցել։
Միևնույն ժամանակ դեպքի վայրում արված կադրերը վկայում են, որ Սան Բերնարդինո փողոցում զրահապատ տեխնիկա է գտնվում։
Նախնական տվյալների համաձայն` հոգեկան խանգարումներ ունեցողներին օգնություն տրամադրող Inland տարածաշրջանային կենտրոնում հնչած կրակոցների հետևանքով զոհվել է 14 մարդ, վիրավորվել` 17-ը։
CNN. Կալիֆորնիայում կրակ բացած կասկածյալի մոտ ինքնաշեն ռումբեր են եղել
11:38 03.12.2015 (Թարմացված է: 11:45 03.12.2015)
© Sputnik / Филипп Кравцов
/ Բաժանորդագրվել
Կալիֆորնիայի Սան Բերնարդինո քաղաքում կրակոցների վայրում հերթապահություն է իրականացնում զրահապատ տեխնիկան։ Նախնական տվյալներով` միջադեպի հետևանքով մահացել է 14 մարդ
