ԵՐԵՎԱՆ, 2 դեկտեմբերի- Sputnik. Դեկտեմբերի 3-5-ին Հայաստանի ողջ տարածքում տեղումներ են սպասվում։ Ինչպես հայտնում է ՀՀ ՏԿԱԻՆ մամուլի ծառայությունը, դեկտեմբերին 3-ին հատկապես լեռնային գոտիներում կդիտվեն տեղումներ` ինտենսիվ ձյան տեսքով։
Հանրապետության տարածքում դեկտեմբերի 2-ի երեկոյան ժամերին, 3-ին ժամանակ առ ժամանակ սպասվում է ձյուն: 4-5-ին շրջանների զգալի մասում կպահպանվեն տեղումներ ձյան տեսքով, սակայն կդիտվի ինտենսիվության զգալի նվազում: 2-ի ցերեկը, 6-ին սպասվում է առանց տեղումների եղանակ:
Քամին կլինի հյուսիս-արևմտյան` 2-7 մ/վրկ արագության, 3-ին առանձին վայրերում հնարավոր է քամու ուժգնացում՝ 20-25 մ/վրկ:
Օդի ջերմաստիճանն աստիճանաբար կնվազի 10-12 աստիճանով:
Երևանում դեկտեմբերի 2-ի երեկոյան ժամերից կդիտվի անձրև, 3-ին ժամանակ առ ժամանակ սպասվում է ձյուն, 4-5-ին կպահպանվեն տեղումներ ձյան տեսքով, սակայն կդիտվի ինտենսիվության զգալի նվազում: 2-ի ցերեկը, 6-ին սպասվում է առանց տեղումների եղանակ:
