ԵՐԵՎԱՆ, 2 դեկտեմբերի- Sputnik. ԱՄՆ-ի պետքարտուղար Ջոն Քերին և Թուրքիայի ԱԳՆ-ի ղեկավար Մևլութ Չավուշօղլուն ռուս-թուրքական հարաբերություններին վերաբերող հարցեր են քննարկել։ Հանդիպումը տեղի է ունեցել Բրյուսելում։
«Նախարար Չավուշօղլուն պետքարտուղարին տեղեկացրել է, թե ինչպես է Թուրքիան փորձում իր դիրքորոշումը ներկայացնել Ռուսաստանին, պետքարտուղարը հավանություն է տվել»,- նշված է պետդեպարտամենտի հաղորդագրությունում։
Նրանք նաև անդրադարձել են «Իսլամական պետություն» ահաբեկչական խմբավորման (արաբերեն` ԴԱԻՇ) դեմ պայքարին։
Ռուսաստանի և Թուրքիայի հարաբերությունները կտրուկ սրվեցին, երբ նոյեմբերի 24-ին Սիրիայում վթարի ենթարկվեց ռուսական Սու-24 օդանավը։ Ռուսաստանի նախագահ Վլադիմիր Պուտինը հայտարարեց, որ ինքնաթիռը խոցվել է սիրիական տարածքում թուրքական F-16-ի կողմից, այնուհետև օդանավն ընկել է Թուրքիայի սահմանից 4 կմ հեռավորության վրա: Ռուսաստանի նախագահն այս դեպքը «թիկունքից հասցված հարված» որակեց։ Թուրքիան պնդում է, որ Սու-24-ը խախտել է օդային տարածքը։ ՌԴ-ի գլխավոր շտաբը հայտարարել է, որ ինքնաթիռը չի հատել սահմանը, ինչի վկայությունն են Սիրիայի ՀՕՊ-ի տվյալները։
