ԵՐԵՎԱՆ, 1 դեկտեմբերի- Sputnik. Ամերիկացի միլիարդատերեր Բիլ Գեյթսը, Facebook-ի հիմնադիր Մարկ Ցուկերբերգն ու Alibaba ընկերության ղեկավար Ջեք Ման հայտնվել են 30 հոգանոց ցանկում, որում ընդգրկված անձինք որոշել են ներդրումներ կատարել էկոլոգիապես մաքուր մշակումների աջակցության հիմնադրամում։ Այս մասին գրում է Sciencealert կայքը։
Փարիզում նոյեմբերի 30-ին կլիմայական փոփոխություններին նվիրված միջազգային համաժողով է անցկացվել։ Բացման ժամանակ Microsoft-ի համահիմնադիր Բիլ Գեյթսը հայտարարել է, որ Breakthrough Energy Coalition հիմնադրամ է ստեղծվելու։
Ենթադրվում է, որ հիմնադրամը թույլ կտա էկոլոգիապես մաքուր մշակումները դուրս բերել շուկա և ավելի հասանելի դարձնել էժան տեխնոլոգիաները, որոնք վնաս չեն հասցնի շրջակա միջավայրին։
Ֆինանսավորումը կվերաբերի էլեկտրաէներգիայի մշակման և պահպանման, տրանսպորտի, արդյունաբերության, գյուղատնտեսության և արտադրողական բարձրացման ոլորտներում իրականացվող նախագծերին։
