ԵՐԵՎԱՆ, 30 նոյեմբերի – Sputnik. Հայաստանի նախագահ Սերժ Սարգսյանը Փարիզում մասնակցում է Միավորված ազգերի կազմակերպության «Կլիմայի փոփոխության մասին» շրջանակային կոնվենցիայի կողմ պետությունների 21-րդ համաժողովին, հայտնում են ՀՀ նախագահի մամուլի ծառայությունից։
Փարիզում երկուշաբթի բացված համաժողովին հրավիրված են մասնակցելու ավելի քան 130 պետությունների և կառավարությունների ղեկավարներ: Այս տարվա համաժողովի թեման է՝ ջերմոցային գազերի արտանետումը մթնոլորտ:
Համաժողովի արդյունքներով նախատեսվում է ընդունել բազմակողմանի համաձայնագիր, որը կփոխարինի Կիոտոյի համաձայնագիրը, որն ընդունվել է 1997թ. և պարտադրում է զարգացող երկրներին և անցումային տնտեսությամբ երկրներին կրճատել կամ կայունացնել ջերմոցային գազերի արտանետումը։
Ակնկալվում է, որ համաժողովի հիմնական թեմայից բացի դրա շրջանակում քննարկվելու են նաև միջազգային օրակարգի այլ կարևոր հարցեր, այդ թվում՝ իրավիճակը Սիրիայում:
ՄԱԿ-ի հովանու ներքով անցկացվող համաժողովի առիթով հայտնի Էյֆելյան աշտարակը կիրակի երեկոյան գունավորվել է կանաչ լույսով:
Հայաստանի նախագահը Փարիզում մասնակցում է ՄԱԿ համաժողովին
© Фотохост-агентство
/ Բաժանորդագրվել
Հայաստանի նախագահ Սերժ Սարգսյանը Փարիզում մասնակցում է Միավորված ազգերի կազմակերպության «Կլիմայի փոփոխության մասին» շրջանակային կոնվենցիայի կողմ պետությունների 21-րդ համաժողովին
