ԵՐԵՎԱՆ, 30 նոյեմբերի – Sputnik. Թուրքիայում բնակվող հայտնի հայ լուսանկարիչ Արա Գյուլերը չեղյալ է հայտարարել իր և «Դողուշ» հոլդինգի միջև կնքված պայմանագիրը, հայտնում է թուրքական Cumhuriyet-ը:
Արա Գյուլերն իր մտադրության մասին հայտնել է «Դողուշ» հոլդինգին, և վերջինս էլ Գյուլերի պահանջով` հետ է վերադարձել պայմանագիրը։
Հիշեցնենք, որ պայմանագրով «Դողուշ» հոլդինգին էին անցնելու այն շենքը, որում գտնվում է Ara Kafe-ն և Արա Գյուլերի լուսանկարչական ապարատների հավաքածուները։ Նշվում էր նաև, որ Արա Գյուլերը լինելու է մի ընկերության բաժնետերերից, որը պատրաստվում է առաջիկայում թվայնացնել և կոմերցիոն նպատակներով օգտագործել հայտնի լուսանկարչի աշխատանքները:
