Էլդար Ռյազանովն իր ֆիլմերից շատերում նաև որպես դերասան է հանդես եկել։ «Գարաժ», «Ճակատագրի հեգնանքը կամ բաղնիքդ անուշ», «Կայարան երկուսի համար» և այլ սիրված ֆիլմերում խաղացած նրա էպիզոդիկ դերերը ռեժիսորի յուրահատուկ այցեքարտն են դարձել։
Էլդար Ռյազանովը ծնվել է 1927թ.–ին Սամարայում։ Սովորել է Կինեմատոգրաֆի համառուսական պետական ինստիտուտի ռեժիսորական ֆակուլտետում։ Ինստիտուտն ավարտելուց հետո 1950թ.–ին աշխատել է վավերագրական կինոյում, սյուժեներ նկարել կինոամսագրերի համար։ Նրա «Սախալինի կղզի» կինոակնարկը մրցանակ է ստացել Կաննի կինոփառատոնում։
1955թ.–ին Ռյազանովը սկսել է աշխատել «Մոսֆիլմում» և բեմադրել է առաջին խորհրդային լայնէկրան «Գարնանային ձայներ» ֆիլմը։ Մեկ տարի անց Ռյազանովը նկարել է «Կառնավալային գիշեր» կատակերգությունը, որը գլխավորել է 1956թ.–ին ամենահայտնի ֆիլմերի ցանկն ու ներառվել խորհրդային կինեմատոգրաֆի ոսկե ֆոնդում։
Հայտնի ռեժիսորը 24 կատակերգություն է նկարահանել։
