Հայաստանում տեղումներ են սպասվում

ԵՐԵՎԱՆ, 30 նոյեմբերի —Sputnik. Հանրապետության տարածքում նոյեմբերի 30-ի գիշերը, դեկտեմբերի 1-ի երեկոյան ժամերին, 2-ին և 3-ին տեղումներ են սպասվում:
Ինչպես հայտնում է «Հայպետհիդրոմետ» ծառայությունը, նոյեմբերի 30-ի ցերեկը, դեկտեմբերի 1-ի գիշերը, 4-ին սպասվում է առանց տեղումների եղանակ:

Ինչպես նշված է հաղորդագրության մեջ, քամին կլինի հարավ-արևմտյան‵ 2-7 մ/վրկ արագության, դեկտեմբերի 2-3-ին առանձին վայրերում հնարավոր է քամու ուժգնացում (մինչև 15-20 մ/վրկ):

Օդի ջերմաստիճանը նոյեմբերի 30-ի ցերեկը, դեկտեմբերի 2-ի գիշերը կբարձրանա 2-3 աստիճանով, դեկտեմբերի 2-ի ցերեկը, 3-ին կնվազի 3-4 աստիճանով:

Երևանում նոյեմբերի 30-ի գիշերը, դեկտեմբերի 1-ին` երեկոյան ժամերին, 2-3-ին սպասվում է անձրև:

Նոյեմբերի 30-ի ցերեկը, դեկտեմբերի 1-ի գիշերը սպասվում է առանց տեղումների եղանակ:

Դեկտեմբերի 2-3-ին հնարավոր է քամու ուժգնացում՝ 16-18մ/վրկ: