ԵՐԵՎԱՆ, 29 նոյեմբերի — Sputnik. Ռուսաստանի նախագահ Վլադիմիր Պուտինը հրամանագիր է ստորագրել ՌԴ ազգային անվտանգությունն ապահովելու միջոցների և Թուրքիայի նկատմամբ հատուկ տնտեսական միջոցներ կիրառելու մասին, ասվում է Կրեմլի մամուլի ծառայության հաղորդագրության մեջ:
«Ռուսաստանի նախագահ Վ. Վ. Պուտինը հրաման է ստորագրել «Ռուսաստանի Դաշնության ազգային անվտանգությունն ապահովելու միջոցների և հանցավոր ու այլ հակաօրինական գործողություններից Ռուսաստանի Դաշնության քաղաքացիների պաշտպանության, ինչպես նաև Թուրքիայի նկատմամբ հատուկ տնտեսական միջոցներ կիրառելու վերաբերյալ», — ասված է հաղորդագրությունում:
