ԵՐԵՎԱՆ, 28 նոյեմբերի — Sputnik. Աֆղանստանի մայրաքաղաք Քաբուլում տեղի ունեցած պայթյունից զոհվել է երկու մարդ, չորսը վիրավորվել է, հայտնում է ՌԻԱ Նովոստին` հղում անելով Պաժվակ գործակալությանը:
Գործակալության տեղեկատվության համաձայն` մահապարտը պայթեցրել է իրեն տեղական ժամանակով ժամը 09.30-ին քաղաքի շրջաններից մեկում:
Աֆղանստանում իրավիճակը վերջին ամիսներն զգալիորեն վատացել է: «Թալիբան» արմատական շարժումը, որն ավելի վաղ գրավել էր երկրի գյուղական շրջանների զգալի մասը, այժմ ուղղություն է վերցրել դեպի մեծ քաղաքները: «Թալիբանի» գրոհայինները սեպտեմբերի սկզբին գրավել էին Աֆղանստանի հյուսիսում գտնվող Կունդուզ քաղաքը, որի բնակչությունը խաղաղ ժամանակ կազմում էր 300 հազար մարդ, իսկ այժմ գրոհում են երկրի մայրաքաղաք Քաբուլից դեպի հարավ-արևմուտք գտնվող համանուն գավառի վարչական կենտրոն Ղազնի քաղաքը:
Երկու մարդ է զոհվել, չորսը տուժել Քաբուլի պայթյունից
© Sputnik / Даниил Колодин
/ Բաժանորդագրվել
Աֆղանստանի մայրաքաղաքի շրջաններից մեկում պայթյունն իրականացրել է մահապարտ ահաբեկիչը, ասվում է Պաժվակ գործակալության հաղորդագրության մեջ
