ԵՐԵՎԱՆ, 28 նոյեմբերի — Sputnik. Փարիզի Ռուասի Շառլ դե Գոլ օդանավակայանի ղեկավարությունը տեղեկություն է տարածել այն մասին, որ մտադիր է աշխատանքից հեռացնել արմատական հայացքներ ունեցող աշխատակիցներին, հայտնում է ՌԻԱ Նովոստին` հղում անելով Valeurs Actuelles-ին:
Ֆրանսիական պարբերականը հղում է անում Փարիզի Ռուասի Շառլ դե Գոլ և Լե Բուրժե օդանավակայանների անվտանգության ծառայության ներկայացուցիչ Ֆիլիպ Ռիֆոյի հայտարարությանը:
«Տարեսկզբից արմատական հայացքների համար կրճատվել է 57 մարդ: Հինգ անձինք հեռացվել են աշխատանքից Փարիզի ահաբեկչություններից հետո», — հայտնել է Ռիֆոն:
Նրա խոսքերով` անձնակազմի կրճատումները սրանով չեն սահմանափակվի:
Հատկապես մանրակրկիտ ստուգումներ կիրականացվեն այն աշխատակիցների նկատմամբ, ովքեր թույլտվություն ունեն աշխատելու միայն ուղևորների և օդանավակայանի աշխատակիցների համար հասանելի գոտիներում:
