ԵՐԵՎԱՆ, 27 նոյեմբերի – Sputnik. Տավուշի մարզը Հայաստանի հյուսիսարևելյան սահմանն է, այն արևմուտքում սահմանակից է Լոռվա, հարավ-արևմուտքում` Կոտայքի, հարավում` Գեղարքունիքի մարզերին, հյուսիսում` Վրաստանին, իսկ արևելքում` Ադրբեջանին:
Տավուշի մարզի Չորաթան, Այգեպար, Մովսես և Կարմրաղբյուր գյուղերը սահմանակից են Ադրբեջանին: Գյուղերում այսօր էլ զգացվում է պատերազմի շունչը: Մինչ օրս էլ բավական հաճախակի են հրադադարի ռեժիմի խախտումները: Այդուհանդերձ, գյուղերում կյանքն ընթանում է իր հունով, յուրաքանչյուրը զբաղվում է իր գործով` զինվորը սահմանն է պաշտպանում, գյուղացին իր հողն է մշակում, երեխաները դպրոց են հաճախում, կանայք հոգ են տանում բոլորի և ամեն ինչի մասին:
Եթե քաղաքաբնակները կրթություն ու դիպլոմներ են ստանում, փորձում են կարիերա տեղծել, նորանոր հաջողություններ արձանագրել սեփական կյանքն իմաստավորելու համար, ապա այս գյուղերի բնակիչների կյանքն իմաստավորված է իրենց իսկ գյուղերում ապրելով: Տավուշի մարզը հայտնի է նաև իր գեղատեսիլ վայրերով, հետաքրքիր ու հարուստ բնությամբ:
Sputnik Արմենիան իր ընթերցողին է ներկայացնում Հայաստանի սահմանամերձ Տավուշի մարզը պատկերող ֆոտոշարք, որի լուսանկարներն ինքնին խոսուն են:
