ԵՐԵՎԱՆ, 26 նոյեմբերի– Sputnik. Սոցիալական ցանցերի օգտատերերը ցավակցություններով հաղորդագրություններ են թողնում ուրբաթ կործանված Մի–8 ուղղաթիռի երկրորդ օդաչու Լևոն Թանանյանի լուսանկարների տակ։
Անաստասիա Սուխովա. «Հավերժ հիշատակ… Ցավակցում եմ»։
Ստանիսլավ Սիդելնիկով. «Ցավակցում եմ հարազատներին և մտերիմներին։ Հավերժ հիշատակ…»։
Ալեքսեյ Կրեչետով. «Մենք կզգանք Լևոնի անչափ բարության կարիքը…»։
Ուրբաթ հայտնի է դարձել, որ Մի–8 ուղղաթիռը կոշտ վայրէջք է կատարել Կրասնոյարսկի երկրամասի Տուրուխանսկի շրջանում, ուղղաթիռում, նախնական տվյալներով, գտնվել է 25 մարդ։ Պատահարի հետևանքով ուղղաթիռը կործանվել է, 10 մարդ, ներառյալ ողջ անձնակազմը, մահացել է, ևս 15–ը հոսպիտալացվել է։
ԶԼՄ–ների տվյալներով` Լևոն Թանանյանը եղել է անձնակազմի երկրորդ օդաչուն։
Կրասնոյարսկի երկրամասի իշխանությունները ուրբաթ հայտարարել են սգո օր։
Իրավապահ մարմինների աղբյուրը Մի–8–ի վթարի պատճառը նշել է ուղղաթիռի տեխնիկական անսարքությունը։
ՌԴ քննչական կոմիտեն քրեական գործ է հարուցել հանցագործության նշաններով` նախատեսված ՌԴ ՔՕ 263 հոդվածի 3–րդ մասով (թռիչքի անվտանգության և օդային տրանսպորտի շահագործման կանոնների խախտում, որը հանգեցրել է երկու և ավելի անձանց մահվան)։ Արևմտյան–սիբիրյան տրանսպորտային դատախազությունը սկսել է օրենսդրության կատարման ստուգում` ուղղաթիռի աղետի փաստով թռիչքների անվտանգության մասին։ Միջպետական ավիացիոն հանձնաժողովը ձևավորել է ուղղաթիռի կործանման հետաքննության հանձնաժողով։
Իրավապահ մարմինների աղբյուրը Մի–8–ի վթարի պատճառը նշել է ուղղաթիռի տեխնիկական անսարքությունը։
ՌԴ քննչական կոմիտեն քրեական գործ է հարուցել հանցագործության նշաններով` նախատեսված ՌԴ ՔՕ 263 հոդվածի 3–րդ մասով (թռիչքի անվտանգության և օդային տրանսպորտի շահագործման կանոնների խախտում, որը հանգեցրել է երկու և ավելի անձանց մահվան)։ Արևմտյան–սիբիրյան տրանսպորտային դատախազությունը սկսել է օրենսդրության կատարման ստուգում` ուղղաթիռի աղետի փաստով թռիչքների անվտանգության մասին։ Միջպետական ավիացիոն հանձնաժողովը ձևավորել է ուղղաթիռի կործանման հետաքննության հանձնաժողով։
