ԵՐԵՎԱՆ, 25 նոյեմբերի — Sputnik. Ուկրաինան բոլոր ռուսական ավիաընկերություններին արգելել է չվերթեր իրականացնել իր օդային տարածքով։ Արգելքը կգործի նոյեմբերի 26-ից, Երևանի ժամանակով 02.00-ից։
Ուկրաինան որոշել է ռուսական ավիաընկերություններին լիովին արգելել ուկրաինական տարածքի օգտագործումը տարանցիկ թռիչքների համար, չորեքշաբթի հայտարարել է Ուկրաինայի վարչապետ Արսենի Յացենյուկը։
«Ռազմական և հասարակական-քաղաքական իրավիճակի սրման կապակցությամբ կառավարությունը որոշել է ռուսական բոլոր ավիաընկերություններին արգելել թռիչքներ իրականացնել ուկրաինական օդային տարածքով։ Արգելքը կգործի նոյեմբերի 26-ից, ժամը 00.00-ից (Երևանի ժամանակով`02.00)»,- նշվում է կառավարության հայտարարության մեջ
Նշվում է նաև, որ որոշումը պայմանավորված է այն հանգամանքով, որ ռուսական ավիաընկերությունները խախտել են թռիչքների կանոններն ու Ուկրաինայի օդային տարածքի օգտագործման կարգը։
