ԵՐԵՎԱՆ, 25 նոյեմբերի — Sputnik. «Համացանցի այբուբենը Հայաստանում» ուսումնական ձեռնարկի շնորհանդեսը տեղի կունենա մշակույթի և գիտության ռուսական կենտրոնում Երևանում նոյեմբերի 30-ն և դեկտեմբերի 1-ին, հայտնում է Երևանում մշակույթի և գիտության ռուսական կենտրոնի մամուլի քարտուղար Լիանա Ազոյանը։
Ուսումնական ձեռնարկը Հայաստանի համար պատրաստվել է ռուսաց լեզվով։
Ուսումնական ծրագրում ներկայացված են Հանրապետության իշխանության մարմինների կայքերը, մասնավորապես` նախագահի, կառավարության, Ազգային ժողովի, նախարարությունների և գերատեսչությունների կայքերը։ Ձեռնարկում կարելի է գտնել նաև երկու երկրների դեսպանատների, Երևանում մշակույթի և գիտության ռուսական կենտրոնի, Հայ-Ռուսական (Սլավոնական) համալսարանի պաշտոնական կայքերը։ Ուսումնական ձեռնարկում ներկայացված են նաև տրանսպորտային և կոմունալ բնակարանային ծառայություններ տրամադրող ընկերությունների էլեկտրոնային ծառայությունները։
Կրթական ծրագրի մշակմանը մասնակցել են հոգեբան-մանկավարժներ, ինֆորմատիկա առարկան դասավանդող մասնագետներ, ծերաբաններ։ Մեծահասակների համար նախատեսված «Համացանցի այբուբենը Հայաստանում» ուսումնական ձեռնարկը թեստավորում է անցել և ամբողջությամբ ադապտացվել է մեծահասակների համար։
Դասագրքի էլեկտրոնային տարբերակը, ինչպես նաև դասախոսների համար նախատեսված դասընթացների մեթոդական խորհուրդները կհրապարակվեն azbukainterneta.ru պորտալում։
